Стоте најдобри филмови на векот избрани од 177 критичари од целиот свет

„Mullholland Drive“, нелинеарното, нео-ноар ремек-дело на Дејвид Линч е именуванo за најдобриот филм на 21-от век. Листата на 100 најдобри филмови за овој век е направена од 177 филмски критичари од 36 држави.

Филмот на Линч е објавен во 2001 година. После него на листата е „In The Mood For Love“ (2000) на Вонг Кар-ваи и „There Will Be Blood“ (2007) на Пол Томас Андерсон.

Интересно е тоа што ниту еден од првите три филмови го нема добиено Oскарот за Филм на годината.

Во првите десет филмови се и „The Tree of Life“ (2011), „Boyhood“ (2014), филмот на Теренс Малик кој се снимаше цели 12 години.

Значајни филмови од изминатите години на листата се и „Lost in Translation“ на Софија Копола, на 23-тото место, и „Social Network“ на 27-мото место.

Меѓу најдобрите филмови на браќата Коен се најдоа „Inside Llewyn Davis“ и „No Country for Old Men“ (на заедничкото 10-то место). „Zodiac“ е најдобар филм на Дејвид Финчер, „The Grand Budapest Hotel“ на Вес Андерсон, а „The White Ribbon“ е најдобар на Мајкл Ханеки.

Зачудувачки, „Birdman“ го нема на листата.

Комплетната листа од 100 најдобри филмови може да се најде на следниот линк.