Sónar + D – технологија, креативност и бизнис

Sónar D е дел од музичкиот фестивал Sónar и претставува меѓународен конгрес кој се фокусира на дигитална култура и креативни технологии.

Во Барселона најновите достигнувања во вештачката интелигенција и виртуелната реалност со примени на уметноста ќе бидат претставени преку тимовите за истражување и развој на Google.

Програмата за настанот посветен на креативните технологии којшто ќе се одржи во Барселона од 14-17 јуни оваа година е објавена денеска, а закажани се повеќе од 100 активности, 180 говорници и околу 5000 акредитирани професионалци од повеќе од 2.100 компании од 60 држави. За време на четирите дена водечките претставници и проекти ќе ја обликуваат иднината на дизајнот, музиката и креативните технологии.

Sónar+D на 14-ти јуни, еден ден пред официјалниот почеток на музчичкиот фестивалот, за првпат ќе одржи и ексклузивен настан за посетителите наречен Networking Day. Денот ќе биде посветен на професионалците, креативците, креаториите и компаниите кои низ низа на конференции ќе можат да разменуваат мислења, а специјално дизајнираните блок работилници имаат за цел да охрабрат една подлабока дебата на темата. Главните теми на овој настан ќе бидат: Immersive environments, Artificial Intelligence и music industry metadata.

Дел од присутните експерти на конференцијата ќе бидат: Kenric McDowell, кој ја предводи Google Research програмата Artists + Machine Intelligence, Freya Murray програмски менаџер на програмата на Google Arts & Culture Lab и Edu Pou извршен креативен директор на US Virtual Reality studio Here be Dragons.

Еден од најголемите новитети за оваа година е Sonar360º кој во соработка со Montréal Society SAT (Societé des Arts Technologiques) ќе организираат проекции и работилници на инзовонредни аудио-визуелни “fulldome” поставки. 

Меѓу остантите активности, новитет е и The Startup Garden, дел посветен на 30 стартап организации кои се фокусираат на слектираните креативни индустрии. Таму менторите како Joyce Lu бизнис ангелот на дизајнерскиот тим на MacBook Air, Jon Eades шефот на стартап инкубаторот на легендарнот студио Abbey Road ќе зборуваат за своите успешни проекти.

Sónar+D оваа година ќе биде домаќин и на Open Music Initiative meeting – станува збор за амбициозна иницијатива предводена од Berklee Music College, the MIT Medialab research centre и IDEO consultancy. Иницијативата има за цел да создаде нови практики за обединување на дигиталната музика и нејзината дистрибуција, собирајќи ги на едно место главните експрерти од водечките компании на YouTube, Spotify, Netflix и Universal.

Повеќе информации за како да учествувате на меѓународниот конгрес можете да најдете тука