Сонар 2016 – глобален епицентар на електронска музика, дигитална технологија и креативност

Сонар 2016 ќе се случи во Барселона на 16, 17 и 18 јуни, со повеќе од 280 настани, меѓу кои концерти, диџеј сетови, саем на технологија, конференции, премиери на видеа со виртуелна реалност и тренинзи.

На фестивалот ќе настапат 130 изведувачи, меѓу кои Jean-Michel Jarre, James Blake, Anohni, New Order, Santigold, Flume, Kaytranada, El Guincho, Niño de Elche + Los Voluble, Four Tet и седумчасовен сет на Laurent Garnier, односно James Rhodes.

Фестивалот го објави комплетниот распоред за настапи и сцени за овогодинешното издание, кое е поделено на Sonar by Day и Sonar by Night. Распоредот може да го најдете овде.

Главен настан на Sonar by Day ќе биде Sonar+D, Четвртиот интернационален конгрес за дигитална култура и креативни технологии. Оваа година, ќе се одржат повеќе од 150 активности, почнувајќи со предавање на Брајан Ено. Програмата за Sonar+D е на следниот линк.

Ексклузивно на Sonar годинава ќе најстапи Ричард Хоутин, кој ќе прикаже сосема ново шоу, претставувајќи ја својата визија за соединување на музичката уметност и технологијата.

Новост годинава е што метрото во Барселона ќе има станици и на Sonar by Night. Новата линија 9, која го поврзува градскиот центар со аеродромот, застанува кај Фира, овозможувајќи им на посетителите на фестивалот да патуваат на друг начин до и од Сонар. Повеќе информации за превозот може да најдете овде.