Принцот од Саудиска Арабија, Алвалид бин Талал ја искористи социјалната мрежа „Твитер“ за да им порача на саудиските власти да ја укинат забраната и да дозволат на жените да управуваат автомобили.
„Сопрете ги дебатите: време е жените да возат“, напиша принцот.
كفى نقاش:
حان وقت قيادة المرأة للسيارةhttps://t.co/BBgyF8i1Gs
Stop the debate:
Time for women to drivehttps://t.co/6KAniFa4BT
— الوليد بن طلال (@Alwaleed_Talal) November 29, 2016
По краткиот твит, канцеларијата на принцот објави долго соопштение на англиски и на арапски во кое се наведуваат финансиски, економски, социјални, верски и политички фактори поради кои жените би требало да управуваат автомобили.
„Спречувањето жени да возат автомобили денес е прашање на човеково право, слично на тоа кога на жените им се забранува да се образуваат“, стои во соопштението.
Саудиска Арабија е единствена држава во светот во која е забрането жени да управуваат возила.