Ова лето Д Фестивал 2018 ќе биде домаќин на основачката на „Pussy Riot“, руската новинарка, активистка и уметница Марија Аљохина.
Добитничката на наградите The Hannah Arendt и The LennonOno Grant for Peace, ќе го претстави нејзиниот музички и театарски проект „Riot Days by Pussy Riot Theatre“ подготвен врз основа на нејзината последна книга „Riot Days“.
„На главната бина, на 8-ми јули ќе го погледнеме перформансот за активизмот, рускиот политичкиот отпор, злоуботребата на моќта, нечовечните услови во затворите, но и за надежта за подобро општество“, велат од „Пасворд продукција“.
Инаку, „Д фестивал“ ќе се одржува од 6 до 8 јули во Дојран. Досега е најавен англискиот кантавтор Кинк придружуван од својот бенд, потоа македонскиот композитор и продуцент Дуке Бојаџиев и которскиот хип-хоп тандем „Who see“. Музичката програма ќе се одвива на четири бини.