Реакција на МОН: Не постоеше правна можност за објавување на резултатите од конкурсот за стипендиите

Министерството за образование и наука преку соопштение реагира на текстот со наслов „И без да се избере Влада, МОН ги објави резултатите за студентските стипендии“, објавен на radiomof.mk, кој според МОН е „тенденциозен, па дури и со самиот наслов упатува на наводно неодговорно и противзаконско работење на Министерството за образование и наука“.

Ви ја пренесуваме целата реакција на МОН:

„Како што информиравме во неколку наврати, во изминатиот период не постоеше правна можност за објавување на резултатите од конкурсот за доделување на студентските стипендии за академската 2016/2017 година, поради насоките и негативното мислење добиено од страна на Државната комисија за спречување на корупција.

Дополнително и заменик министерот за образование и наука, Спиро Ристовски одговарајќи на новинарско прашање на прес конференција одржана на 13.1.2017 година, образложи дека конкурсните резултатите ќе бидат објавени веднаш откако ќе добиеме позитивно мислење од страна на Државната комисија за спречување на корупција, а за што во меѓувреме доставивме дополнително барање за произнесување на надлежната институција.

Овој документ е обезбеден и сите кандидати за стипендија, денес можат да ги погледнат резултатите кои се објавени на интернет страницата mon.gov.mk“, стои во реакцијата на МОН.

И без да се избере Влада, МОН ги објави резултатите за студентските стипендии