Polarities на Бисера Крцковска од утре во студиото PrivatePrint

Студиото PrivatePrint ја организира првата изложба за оваа година, “Polarities” на Бисера Крцковска, која стои зад уметничкиот проект Monochrome Modern. Изложбата ќе биде отворена на 23 февруари од 19-23 часот и од 24-28 февруари, од 13-20 часот, во студиото PrivatePrint (бул. Партизански одреди 62, влез 1, стан 4, тц Лептокарија, веднаш спроти влезот на поликлиника Букурешт), и е од продажен карактер.

„Идејата на овој проект е да ја разгледа разликата помеѓу „јас“ и „ти“ преку претставување на „мои“ и „твои“ однесувања, навики и мисли. „Твоите“ и „моите“ спротивни делови од себе не се одвоени едни од други како взаемно исклучувачки контрадикторности, туку се доживуваат како единство од спротивности“, вели авторката на проектот.

Изложбата се состои од шеснаесет диптиси и шеснаесет пара замислени спротивности, кои се меѓусебно споени преку примена на приципите на двојност и единство, истовремено.