Покрај најавената плејада учесници, изведувачи и гости, Д фестивал ќе биде домаќин и на Патувачкото кино на „МакеДокс“ и еко-фестивалот Sound of green. Како специјални гости на фестивалот, тие ќе придонесат во низата доживувања за незаборавно искуство на посетителите, соопштуваат од Д фестивал.
Со Sound of green фестивалот во сабота, на 16 јули доаѓаат и музичките групи Паркети, The red step, The gGovernment, Самостални референти, Anna O. и Metanoia, кои ќе настапат втората по големина фестивалска бина – Москито бината лоцирана во фестивалскиот камп.
Sound of Green со досегашните четири изданија стана репрезентативен настан кој многумина со радост го чекаат и збиднување кое носи добри впечатоци и шири позитивни практики. Негова цел е подигнување на јавната свест за развивање на пријателство и култивирање на фер однос кон животната средина.
Покрај Sound of Green, својата приказна ќе ја раскаже и МакеДокс, фестивал на креативен документарен филм. кој се состои од два дела: Интернационален фестивал на документарниот филм и Патувачко кино.
Главната цел на комплетната филмска програма е да го стимулира правењето на документарни филмови и да испровоцира креативен дијалог на оваа тема помеѓу авторите и публиката, и уште пошироко, во македонското општество.
Во рамки на Патувачкото кино на МакеДокс, посетителите на Д Фестивал ќе имаат прилига да погледнат повеќе документарни филмови како „Во потрага по Фела“, „Ликвидатор“, „Звукокршач“, „Дае“, „Танцувајќи со Марија“, „Ритам и звук“.
Д фестивал годинава ќе се одржи од 15 до 17 јули во Дојран. Своите настапи веќе ги потврдија ROGER SANCHEZ, GOLDIE, TOY DOLLS, DUB PISTOLS, ЧИСТА ОКОЛИНА, BERNAYS PROPAGANDA, ДУБИОЗА КОЛЕКТИВ, ХЛАДНО ПИВО, ОБОЈЕНИ ПРОГРАМ, LOLLOBRIGIDA, ФОЛТИН, SETHSTAT & МИРКО ПОПОВ, CONQUERING LION и HYPNOTIZED на главната бина.
THE PROJECT ORPHEUS, THE RED STEP, ФОНИЈА, ПАРКЕТИ, MILLKO, LEPI XHONI, THE GOVERNMENT, САМОСТАЛНИ РЕФЕРЕНТИ, ПАЛИНДРОМ, KËPURDHAT, LEITMOTIF, MARKO GREYHOUND, ANNA O, METANOIA и PAPRIKAPAPRIKA на Москито бината.
MKDSL, ANDREAS HZ, MARTCHIN, MITRIK, LTX, MAGGIE, SAMARDZISKI. D.LITE, ДАРКО СТЕПИЌ, HYPERTECH, OGIE, PUKKA, HANSSHC и TECKTONE на LakeAwake бината.
Наскоро, ќе бидат објавени уште многу други изведувачи и гости учесници кои ќе го одбележат шестото издание на Д ФЕСТИВАЛ, информираат организаторите.