Отворен ден на техничките факултети на Универзитетот „Гоце Делчев“ во Штип

Машинскиот, Електротехничкиот и Технолошко-техничкиот факултет на Универзитетот „Гоце Делчев“ – Штип ќе им овозможат на средношколците и на сите заинтересирани граѓани на непосреден начин да се запознаат со студиските програми и можностите што им се нудат за студирање.

За таа цел, денеска на УГД се организира Отворен ден, на кој покрај презентацијата на студиските програми, на заинтересираните ќе им се претстават и можностите за професионален развој на идните студенти.

Отворениот ден ќе се реализира на Кампус 2 на УГД, со почеток во 10.30 часот, и ќе биде одлична можност за сите заинтересирани за техничките науки директно од професорите и асистентите на овие факултети да се запознаат со можностите што им се на располагање, како во поглед на реализација на студиската програма, така и со можноста за пракса, учество во научни проекти, во програмите за мобилност и можностите за посета на ренормирани европски и светски универзитети.