Објавен видео спот за преработката на I Know It’s Over на Jeff Buckley

Неколку преработки на познати песни, меѓу кои и верзијата на Jeff Buckley на I Know It’s Over од The Smiths, се најдоа на новоиздадената компилација на снимки од починатиот пејач, наречена You and I.

Компилацијата од 10 необјавени снимки од Jeff Buckley ќе биде пуштена во продажба на 11 март. Песната на Smiths, I Know It’s Over, е и една од повеќето преработки кои се најдоа на постхумниот албум. За неа е снимен и видео спот, кој беше премиерно прикажан на 11 февруари, а може да го видите овде.

Носталгичното видео е режирано од Amanda Demme, а ја раскажува приказната на една мајка и нејзиниот син. Низ видеото има и суптилни детали кои асоцираат на Buckley.

На You and I се најдоа и верзии на Buckley на песни од Bob Dylan (Just Like a Woman), Sly & the Family Stone (Everyday People) и Led Zeppelin (Night Flight).