Новинарскиот пленум испрати покана за средба до уредниците на МРТ

Претставници на Новинарскиот пленум денеска испратија СМС пораки до новинарите кои се дел од уредничкиот тим на МТВ, Горан Петрески, Билјана Василева Трендафилова, Стојан Трпчевски и Душко Арсовски со барање за средба, соопштуваат од пленумот.

„Поради загриженоста за состојбите во кои е западната нашата професија ве покануваме на средба на која отворено би дискутирале за сите предизвици со кои се соочува новинарството, како и за одговорноста и обврските на јавниот сервис. Средбата би се одржала во Клубот на новинари во текот на следната недела, во термин соодветен за вас и членството на пленумот“, гласи содржината на СМС пораката испратена од НП.

Освен на официјалната фејсбук страница, неформалната новинарска иницијатива Новинарски пленум отвори и блог на кој ќе може да се прочитаат сите активности и новости на ноформираниот пленум.