Веганите и вегетаријанците се револтирани од информациите дека новите банкноти од 5 фунти содржат животински масти.
Преку Твитер, Централната Банка на Англија потврди дека новите банкноти се изработени со помош на лој, преработка на животински масти која се користи во свеќи и сапун. „Има траги од лој во полимерот кој е користен како основа за банкнотите од 5 фунти“, потврдија.
@SteffiRox there is a trace of tallow in the polymer pellets used in the base substrate of the polymer £5 notes
— Bank of England (@bankofengland) November 28, 2016
Веќе е подигната петиција за повлекување на новата банкнота, која почна да се употребува во прометот од септември. До сега петицијата ја потпишале преку 5 илјади луѓе.
„Новите банкноти од 5 фунти содржат животински масти во вид на лој. Тоа е неприфатливо за милиони вегани и вегетаријанци во Велика Британија. Бараме да престанете да користите животински производи во продукцијата на валутата која мораме да ја употребуваме“, стои во петицијата.
Твитот предизвика реакции на социјалните мрежи. Повеќе корисници изразија изненандување и згрозеност од информацијата.
The new five pound notes aren’t vegan!! They contain tallow, which is derived from animal fat 😡 #vegan #govegan pic.twitter.com/QQbrsplweh
— The Vegan Punk (@TheVeganPunk) November 28, 2016
На некои од нив не им беше важно.
New fivers aren’t vegan. pic.twitter.com/MiTRXxkdTO
— Paddy (@Pads45N) November 28, 2016
А, дел од твитерџиите гледаа на случајот како потенцијален бизнис. „Ако не ви се допаѓаат новите 5 фунти бидејќи содржат животинска маст, ве молам ставете ги во моето поштенско сандаче“, напиша еден корисник.
If you don’t want any new £5 notes because they apparently contain animal fat then please post them through my letterbox cheers
— Ry (@Ry_Davies) November 29, 2016
Ова не е првпат промената на банкнотата да предизвика контроверзии. Направена беше петиција и по објавата дека Винстон Черчил ја заменува Елизабет Фрај на банкнотата, што практично значеше дека англиските пари остануваат без жени, доколку се исклучи кралицата.
По незадоволството кое го изразија илјадници граѓани, дополнително беше соопштено дека писателката Џејн Остин ќе биде ликот на новата банкнота од 10 фунти која ќе се воведе во летниот период од 2017 година.
Новите пластични 5 фунти се првите банкноти од Банката на Англија кои не се печатат на хартија. Новите банкноти се дизајнирани на овој начин за да бидат почисти, посигурни и поиздржливи.