Диско легендата Nile Rodgers ги соопшти главните гости за првото издание на неговиот FreakOut музички фестивал, кој ќе се одржи на 4-5 август во Лонг Ајленд. На фестивалот се очекуваат голем број на изведувачи, меѓу кои и неговиот бенд CHIC.
Гитаристот и продуцент, добитник на Греми награда ги најави настапите на Pharrell Williams, Beck, Janelle Monae, Duran Duran, Q-Tip, Chaka Kahn, како и The Martinez Brothers, со кои Rodgers неодамна имаше соработка.
Музичката програма е на Rodgers заедно со неговите долгогодишни соработници Peter Herman и Michael Ostin.
„Со Nile работам веќе 16 години. Заедно создадовме, изведовме и продуциравме стотици концерти и фестивали низ светот. Јас сум почестен што ќе бидам ко-продуцент на неговиот фестивал заедно со него и Michael Ostin“, вели членот на групата Peter Herman.
Rodgers се смета за еден од најважните гитаристи во последните 40 години. Тој во својата легендарна кариера ја додаде и главната улога во албумот на Daft Punk – „Random Access Memories“.Неговиот звук на гитара беше присутен елемент во фанк музиката и донесе нова генерација на љубители на музиката.