Повредени се повеќе од десет лица по денешната експлозија во Анталија, јужна Турција. Според турските медиуми, експлозијата се случила пред паркингот на Трговско-индустриската комора, чии прозори се искршени, а оштетени се и шест до десет автомобили.
По екслозијата, која се слушнала и во центарот на Анталија, кон местото се упатија голем број возила на брзата помош и на полицијата.
Се уште не е позната причината на експлозијата. Градоначалникот Мендерес Тјурек напомена дека е можно да се работи за несреќа предизвикана од техничка грешка во автомобил паркиран пред зградата, а не за терористички акт. Исто така, нагласи дека ниту едно лице не е во животна опасност.