На крајот на октомври ќе се одржува Startup Weekend Skopje

Од 28 до 30 октомври, во Hub Skopje, по шести пат оваа година ќе се одржува Startup Weekend Skopje.

Startup Weekend Skopje е 54 часовен глобален настан, каде програмери, менаџери, студенти, маркетинг експерти и млади и амбициозни претприемачи заедно споделуваат идеи, формираат тимови, создаваат продукти и формираат стартапи.

Во тридневниот настан учесниците ќе имаат можност да ги презентираат нивните иновативни идеи, да состават тим и добијат интересни награди, вклучувајќи можност за финансирање од најдобрите бизнис акселератори во Македонија и пошироко.

Учесниците ќе добијат единствена шанса да бидат обучени од најдобрите претприемачи, маркетинг експерти, стартап ветерани и бизнис програмери за тоа како најдобро, брзо и ефективно да ги претстават своите идеи на инвеститори и клиенти, како и од едноставна едеја да создадат успешен бизнис. Ветуваме многу интересни гости од Македонија и од странство кои ќе ја збогатат листата на експерти која досега ја имаме“, велат од SW Skopje.

Инаку, во глобални бројки, Startup Weekend значи 1500+ настани, 660+ градови, 120+ земји, просечно 85 учесници на настан, со максимален капацитет од 125, и просечно 10 нови вложувања.

Изминатите две години во Скопје имаше 210+ учесници и 50+ ментори и судии од Бугарија, Хрватска, САД, Естонија, Србија, Македонија, Словенија, Австрија. Притоа, имаше и 3 успешни старап приказни Buzz, Brainster.co, Vozime.mk.