Лажните вести на Твитер се шират побргу и подалеку од вистината, а таа нерамнотежа во поголема мера ја создаваат луѓето отколку таканаречените „ботови“, компјутерските програми за комуникација на интернет сервисите.
Во една од најобемните студии објавена во списанието Science, од страна на истражувачите од Институтот за технологија во Масачусетс, проверени се речиси 126.000 вести кои ги поделиле три милиони луѓе на Твитер од 2006 до 2017 година, а истражувачите утврдиле дека 70 отсто е поголема веројатноста дека меѓу корисниците на оваа социјална мрежа ќе се делат лажни вести.
Твитер и други социјални мрежи како Фејсбук се под лупа на властите на САД и други меѓународни регулатори, кои тврдат дека социјалните мрежи прават премалку за да се спречи ширењето лажни вести.
Истражувачите забележале зголемување на лажни вести за време на претседателските избори во 2012 и 2016 година. Итрврдиле дека лажните вести значително побрзо и подалеку се шират од вистината во сите категории информации, но тоа било понагласено во случаи на лажни вести за тероризам, природни катастрофи, наука, урбани легенди или финансиски информации.
Иако студијата била фокусирана на Твитер, овие наоди можат да се применат и на други социјални мрежи, вклучувајќи го и Фејсбук.