Ќе се формира единица за сузбивање на криумчарење мигранти и трговија со луѓе

Владата на синоќешната 39-та седница донесе одлука за формирање на Национална единица за сузбивање на криумчарење мигранти и трговија со луѓе.

Единицата ќе се формира преку склучување на Меморандум за соработка помеѓу Министерството за внатрешни работи и Јавното обвинителство на Република Македонија, во областа на сузбивање на организирани форми на криумчарење мигранти и трговија со луѓе.

Иако балканската рута за бегалци и мигранти е затворена од март 2016 година, билтените на МВР повремено известуваат за нелегално транзитирање низ територијата на Македонија и обиди за недозволен премин преку границите.