Вработени во Ректорат и ректорот Велимир Стојковски утрово ги дочека блокиран влез од страна на студенти, кои го бојкотираат изборот за нов ректор на УКИМ, закажан за 10 часот.
Студентите велат дека се одлучни и нема да заминат се додека нивниот глас не биде слушнат.
Денеска ќе се знае кој ќе победи во трката за нов ректор, помеѓу екс министерот за образование и професор Ненад Новковски и актуелниот декан на Медицинскиот факултет Никола Јанкуловски.
На изборот, право на глас имаат десет студентски претставници, за кои Студентски пленум вели дека се нелигитимни.