Од задутре (8 октомври) до сабота (10 октомври) во киното „Мис Стон“ во Прилеп ќе се одржи традиционалниот Фестивал на новиот германски филм. Отворањето на 11-то издание на фестивалот е в четврток во 19.30 часот, а ќе присуствува и германската амбасадорка Кристине Д. Алтхаузер.
И годинава фестивалот нуди најнови германски продукции, со што ќе се прикаже разноликоста на германската кинематографија. На програмата се филмови од најразличен жанр. Тие го опфаќаат времето на Шилер и Гете, па се до денешницата, каде што се појаснуваат предизвиците на мултикултурното општество. Не е изоставен ниту начинот на справување со сопствената минливост. Се разбира оставен е простор и за најмладите.
Репертоар:
Четврток 19.30 часот – „Роден во болка“ режија Флориан Шварц (трилер)
Петок
18 часот – „Феникс“, режија Кристиан Пецолд (драма)
20 часот – „Хакери“, режија Баран бо Одар, (трилер)
Сабота
16 часот – „Лола на грашокот“, режија Томас Хајнеман, (филм за деца)
18 часот – „Спасете го Рафи“ режија Аренд Агте, (филм за деца)
20 часот – „300 збора германски“, режија Зили Аладаг (комедија)