EXIT меѓу трите најдобри фестивали, годинава со Dubfire, Pan-Pot и Seth Troxler

EXIT меѓу трите најдобри фестивали, годинава со Dubfire, Pan-Pot и Seth Troxler

Престижниот американски магазин Vibe го издвои фестивалот EXIT во Нови Сад и Денс-aрената како една од трите најдобри летни фестивалски дестинации за сите љубители на електронската музика, рамо до рамо со легендарните фестивали Amsterdam Dance Event и Tomorrowland.

„Внатре во спектакуларните ѕидини на Петроварадинската тврдина, се одигруваат најпопуларните журки на светот. Денс-aрената е остварување на најлудите сништа на сите оние кои живеат за добрата забава“, пишува во Vibe. Исто така, реномираниот американски музички портал Beatport го вклучи EXIT во 20те најдобри европски фес тивали оваа година, наведувајќи дека се очекува „EXIT 2013, со дополнителниот петти ден, да биде најдоброто фестивалско издание досега“.

Меѓу првите изведувачи кои EXIT ги најави за денс-арената се: Seth Troxler, Pan-Pot, Matador live, Subb An и Adam Shelton,(b2b) диџеј-бендот Apollonia, составен од Shonky, Dan Ghenacia и Dyed Soundorom, како и шармантната Deniz Kurtel.

Претходно, EXIT објави дека на главната сцена годинава ќе настапи харизматичниот британски рокер Thom Yorke, со својот последен музички проект, бендот составен од познати музичари „Atoms For Peace“.