Организаторите на Download фестивалот потврдија дека ја преименувале главната сцена во чест на Lemmy Kilmister, фронтменот на Motorhead кој почина во декември минатата година.
Download е најголемиот рок фестивал во Велика Британија, а се одржува во Донингтон Парк во Леичестершир од 2003 година.
Motorhead требаше да настапуваат на овогодинешното издание на фестивалот, но го откажаа настапот после смртта на Kilmister.
На „Lemmy Stage“ ќе настапат Iron Maiden, Rammstein и Black Sabbath. Црната капа која беше „заштитен знак“ на Lemmy ќе се најде на официјалниот line-up постер на фестивалот.
Download 2016 ќе се одржи од 10-12 јуни. Меѓу останатите, ќе настапат и Korn, Deftones, Disturbed, Jane’s Addiction, NOFX, Sixx:A.M., Alien Ant Farm и Amon Amarth.
Извор: NME