Непосредно пред вчерашниот состанок на Советот на Министри за надворешни работи на ЕУ, Македонската заедница во Белгија со собир пред Советот, за да даде поддршка за Протестирам и Шарената револуција, но и да побара одржување на земјата на агендата на разговорите на министерскиот состанок.
Присутните ја скандираа добро познатата парола, „Нема Правда Нема Мир“, но и „Дали аболицирате криминалци во ЕУ?“. Со протестниот собир тие побараа од Советот на ЕУ воведување ефективни индивидуални санкции против членовите на владејачката партија и нивните соработници, поддршка на мирните граѓански протести и поддршка на работата на Специјалното јавно обвинителство.
Целта, додаваат, беше и да се информираат останатите граѓани во Европаза актуелната криза во Македонија, како и да се подигне свеста за сериозноста на ситуацијата.
На собирот се приклучи и поранешниот амбасадор на ЕУ во Македонија, г-динот Ерван Фуере, кој разговараше со присутните на протестниот собир за нивните погледи кон улогата на ЕУ во изнаоѓање на можни решенија на политичката криза. Тој и во Брисел ја изрази својата подршка за граѓанскиот активизам.
Ова е втор протестен собир на македонските граѓани во Брисел. Првиот се организираше пред Амбасадата на Република Македонија во Белгија и Претставништвото на Македонија во ЕУ.
Протестирам Белгија најави и серија други собири за поддршка на граѓанските протести и информираљњ за лошата состојба на државата како последица на десетгодишниот политички режим.