Четири нешта што се случуваат кога умира јазик

Јазиците низ светот умираат, и тоа брзо. 20-ти февруари е Меѓународниот ден на мајчиниот јазик, создаден од страна на УНЕСКО за промовирање на јазичната разновидност во светот.

Предвидувања велат дека 90 проценти од светските јазици ќе изумрат до крајот на овој век. Иако ова можеби не е важно за секојдневниот живот на некој што зборува англиски јазик, без лични врски во културата во која зборува, загубата на јазикот е важно. Ова е тоа што сите ние го губиме:

1. Ние го губиме „изразот на единствена визија за тоа што значи да се биде човек”

Тоа е она што му го кажа академикот Дејвид Кристал на Парома Басу за National Geographic во 2009 година. Басу пишуваше за Индија, земја со стотици јазици, најмалку седум големи јазични фамилии и јазици кои брзо се губат.

Ефектите од тоа губење на јазикот може да бидат „културно катастрофални”, пишува Басу. „Секој јазик е клуч кој може да отклучи локално знаење за лекови тајни, еколошка мудрост, временски и климатски модели, духовни ставови и уметничка и митолошка историја”.

Јазиците природно нараснаа и опаднаа во важност, во текот на историјата, пишува таа. Она по што се разлика ова во Индија, како и во целиот свет, е брзината со која тоа се случува и по бројот на јазици кои исчезнуваат.

2. Ние ја губиме меморијата на многу истории и култури на планетата.

Официјалниот јазик на Гренланд, пишува Кејт Јодер, е фасцинантен и единствен. Тој е „составен од исклучително долги зборови кои можат да бидат прилагодени за секоја прилика”, пишува таа. Многу од тие зборови се колку реченици на англиски јазик. Некои од нив, како зборови за различни видови на ветер, исчезнуваат пред лингвистите да добијат шанса да ги истражуваат. Бидејќи исчезнувањето има пошироки импликации за разбирање на тоа како луѓето го процесираат јазикот, лингвистката Ленор Гренобл и кажала на Јодер: „Има многу работи кои не ги знаеме за тоа како функционира, или како умот работи кога го прави ова”.

Нписот на Јодер се занимава со влијанието на климатските промени врз загубата на јазикот. Сè на сè: се забрзува загубата на јазикот како што луѓето мигрираат кон повеќе централни, „сигурни“ земји, кога нивната земја е под закана на силни бури, пораст на морското ниво, суши и други работи предизвикани од климатските промени. „Кога луѓето ќе се населат на ново место, тие почнуваат нов живот, нова средина, нови култури, традиции, и да, нов јазик”, пишува таа.

3. Ние ќе го изгубиме еден од најдобрите локални ресурси за борба против заканите за животната средина

Како што напиша Нанси Ривенбург за Меѓународната асоцијација на конференциски преведувачи, она што се случува со денешната загуба на јазикот, всушност е сосема различно од се претходно. Јазици во минатото исчезнуваа и се раѓаа одново, пишува таа, но „тоа се случи во состојба која ние лингвистите ја нарекуваме лингвистичка рамнотежа“.

„Но, во последните 500 години, рамнотежата која е карактеристика на голем дел од човечката историја сега ја нема. Доминантните јазици во светот, или како што често се нарекуваат „метрополитни” јазици, сега брзо се прошируваат на сметка на “периферните” домородни јазици. Тие периферни јазици не се заменуваат “.

Тоа значи дека од околу 7000 јазици кои повеќето реномирани извори проценуваат дека се зборуваат на глобално ниво, само 100 се зборуваат нашироко. „Но, не е само нашето разбирање на човековиот ум што е оштетен“, пишува таа. Според неа, на многу места, локалните јазици и нивните говорители се богати со извори на информации за светот околу нив и растенијата и животните во областа каде што живеат. „Во време на масовно истребување, таквото знаење е особено драгоцено“..

„Медицината ги губи потенцијалните лекови”, пишува таа. „Националните влади ги губат акумулираните мудрости во врска со управувањето на морски и копнени ресурси во кревките екосистеми.”

4. Некои луѓе го губат нивниот мајчин јазик.

Вистинска трагедија на сето ова е тоа што луѓе се наоѓаат во состојба да не можат да зборуваат на својот прв јазик, јазикот го кој научиле како да го опишуваат светот. Некои се наоѓаат во незавидна позиција да бидат едни од ретките (или единствените) говорители на својот мајчин јазик. Некои, пак, како голем дел од домородните народи во Канада, јазикот е во голема опасност како резултат на кампањата од страна на владата да ги искорени нивните култури.

Оваа загуба е нешто што ги надминува сите други загуби, изјави лингвистот Џон Липски.

„Замислете да ви кажат дека не можете да го користите вашиот јазик и ќе видите колку е недефинирачки“, рече тој.

Што можете да направите во врска со сето ова? Едуцирајте се себеси, како за почеток. Проектите како „Истрајни гласови” на National Geographic се одлични за да дознаете за загрозените јазици и нивните говорители, како и на веб-страницата на УНЕСКО. Се уште има надеж за некои од овие јазици, ако обратиме внимание.

Кет Ешнер