[Аудио] Skills that pay the bills: Активизмот е нераскинлив дел од демократското владеење

Слушнете го десеттиот подкаст од серијалот „Skills that pay the bills“ во кој се концентрираме на активизмот како еден важен сегмент на демократското владеење. Зборуваме за повеќе аспекти од граѓанскиот и младинскиот активизам, но и за поддршката на бизнис секторот на граѓанските акции.

Гостин соговорник во подкастот е Душица Савовска од маркетинг агенцијата „Идеја плус“, која ја креираше кампањата за УНИЦЕФ „Биди фер – за детство без пречки“.

Со студентот на Факултетот за драмски уметности и активист од Шарената револуција, Јаков Спасов зборуваме за важноста на протестите и будењето на граѓанското општество во изминатите години.

На крајот е и разговорот со Алекандра Живковиќ, тренер на обуката „Младински активизам“. Меѓу другото, таа објаснува за различните форми и механизми на демократско владеење, за комуникацијата со институциите и алатките за граѓанско вклучување.

Целта на подкастот „Skills that pay the bills“ е да ангажира млади лидери преку граѓанското учество и претприемнички активности. Исто така, да го зголеми информираниот јавен дискурс за клучните демократски и економски прашања со кои се соочува македонската младинa.

Подкастот е реализиран во склоп на проектот „Градење на следната генерација на млади лидери“. Спроведуван е од Младински образовен форум и Институтот за европска политика (ЕПИ), а е поддржан Центарот за меѓународно приватно претприемништво (CIPE).