[Аудио] Најдобрите албуми на 2014 во избор на NME

На нешто повеќе од еден месец до крајот на 2014, музичкиот магазин NME ја објави традиционалната листа на најдобрите албуми на годината. На неа се најдоа изданија на познати и искусни музичари и групи, но и дебитантски албуми на млади таленти.

На врвот на листата е американската кантавторка и мултиинструменталистка St. Vincent, со нејзиниот четврти студиски албум, именуван едноставно „St. Vincent“, кој излезе во февруари. Според музичките уредници на NME, во овој албум, артистката созреала во комплетен музичар и дошла „најблиску што може да дојде до Ziggy Stardust на 21-от век“.

„Ниту еден друг албум не го дестилира подобро хаосот и конфузијата на овие скршени времиња и никој друг не се претвори од песнописец во икона-во-очекување, како што тоа го стори St. Vincent“, се вели во образложениот на одлуката нејзиниот албум да биде прогласен за најдобар во 2014.

Слушнете го целиот албум „St. Vincent“, а подолу и најдобрите десет за годинава во изборот на NME. Целата листа на најдобрите 100 албуми на годинава можете да ја погледнете тука.

2. Mac DeMarco – „Salad Day’s“

3. The War On Drugs – „Lost In The Dream“

4. Aphex Twin – „Syro“

5. Caribou – „Our Love“

6. La Roux – „Trouble In Paradise“

7. Merchandise – „After The End“

8. Jamie T – „Carry On The Grudgе“

9. Sleaford Mods – „Divide And Exit“

10. Ex Hex – „Rips“